गेल्या अडीच हजार वर्षांच्या प्रवासात बौद्ध धर्मात अनेक बदल झाले. तत्कालीन बौद्ध प्रसारकांनी त्यांच्या त्यांच्या भागातल्या आचारविचारांच्या प्रभावाचा विचार न करता धर्मप्रसार केल्याने जागतिक पातळीवर त्यांच्यात कुठलीही एकवाक्यता राहिली नाही. यामुळे वेळेनुसार धर्मात अनेक पंथ, उपपंथ निर्माण झाले. परंतु या सगळ्यात अनित्यता, दु:ख, अनात्मता आणि निर्वाण हे मूळ सिद्धांत म्हणून मान्य केले गेले आहेत. याच सिद्धांतावर प्रस्तुत पुस्तक विस्तृत भाष्य करते.
लेखक मा. शं. मोरे हे बुद्ध धर्माचे अभ्यासक असून या पुस्तकाढी देखील बुद्धधर्म आणि बुद्धधर्मइतिहास या विषयावर त्यांची बरीच पुस्तकं प्रकाशित झालेली आहेत. या प्रस्तुत पुस्तकासाठी ते डॉ. बाबासाहेब आंबेडकर लिखित Buddha and His Dhamma हा ग्रंथ प्रमाणभूत मानतात.